ऋणमॊचन मंगल स्तॊत्रम्
******
मंगलॊ भूमिपुत्रश्च ऋणहर्ता धनप्रद: ।
स्थिरासनॊ महाकाय: सर्वकर्म विरॊधक: ॥ 1 ॥
लॊहितॊ लॊहिताक्षश्च सामगानां कृपाकर: ।
धरात्मज: कुजॊ भौमॊ भूतिदॊ भूमिनंदन: ॥ 2 ॥
अंगारकॊ यमश्चैव सर्वरॊगापहारक: ।
वृष्टॆ: कर्ताऽपहर्ता च सर्वकार्यफलप्रद: ॥ 3 ॥
ऎतानि कुजनामानि नित्यं य: श्रद्धया पठॆत् ।
ऋणं न जायतॆ तस्य धनं शीघ्रमवाप्नुयात् ॥ 4 ॥
धरणीगर्भसंभूतं विद्युत्कांतिसमप्रभम् ।
कुमारं शक्तिहस्तं तं मंगलं प्रणमाम्यहम् ॥ 5 ॥
स्तॊत्रमंगारकस्य तत्पठनीयं सदा नृभि: ।
न तॆषां भौमजा पीडा स्वल्पापि भवति क्वचित् ॥ 6 ॥
अंगारक महाभाग भगवन् भक्तवत्सल ।
त्वां नमामि ममाशॆषमृणमाशु विनाशय ॥ 7 ॥
ऋणरॊगादि दारिद्र्यं यॆ चान्यॆ ह्यपमृत्यव: ।
भयक्लॆश मनस्तापा नश्यंतु मम सर्वदा ॥ 8 ॥
अतिवक्त्र दुराराध्य भॊगमुक्त जितात्मन: ।
तुष्टॊ ददासि साम्राज्यं रुष्टॊ हरसि तत् क्षणात् ॥ 9 ॥
विरिंचिशक्रविष्णूनां मनुष्याणां तु का कथा ।
तॆन त्वं सर्वसत्त्वॆन ग्रहराजॊ महाबल: ॥ 10 ॥
पुत्रान् दॆहि धनं दॆहि त्वामस्मि शरणं गत: ।
ऋणदारिद्र्य दु:खॆन शत्रूणां च भयात्तत: ॥ 11 ॥
ऎभिर्द्वादशभि: श्लॊकैर्य: स्तौति च धरासुतम् ।
महतीं श्रीयमाप्नॊति ह्यपरॊ धनदॊ युवा ॥ 12 ॥
इति श्री स्कंदपुराणॆ भार्गवप्रॊक्तं ऋणमॊचन मंगलस्तॊत्रं संपूर्णम्