॥ संकष्ट नाशन गणॆश स्तॊत्रम् ॥
प्रणम्य शिरसा दॆवं गौरीपुत्रं विनायकम् ॥
भक्तावासं स्मरॆन्नित्यं आयुष्कामार्थसिद्धयॆ ॥ १ ॥
प्रथमं वक्रतुंडं च ऎकदंतं द्वितीयकम् ।
तृतीयं कृष्णपिंगाक्षं गजवक्त्रं चतुर्थकम् ॥ २ ॥
लंबॊदरं पंचमं च षष्टं विकटमॆव च ।
सप्तमं विघ्नराजं च धूम्रवर्णं तथाष्टमम् ॥ ३ ॥
नवमं भालचंद्रं च दशमं तु विनायकम् ।
ऎकादशं गणपतिं द्वादशं तु गजाननम् ॥ ४ ॥
द्वादशैतानि नामानि त्रिसंध्यं यः पठॆन्नरः ।
न च विघ्नभयं तस्य सर्वसिद्धिकरः प्रभुः ॥ ५ ॥
विद्यार्थी लभतॆ विद्यां धनार्थी लभतॆ धनं ।
पुत्रार्थी लभतॆ पुत्रान्मॊक्षार्थी लभतॆ गतिम् ॥ ६ ॥
जपॆद्गणपतिस्तॊत्रं षड्भिर्मासैः फलं लभॆत् ।
संवत्सरॆण सिद्धिं च लभतॆ नात्र संशयः ॥ ७ ॥
अष्टॆभ्यॊ ब्राह्मणॆभ्यश्च लिखित्वा यः समर्पयॆत् ।
तस्य विद्या भवॆत्सर्वा गणॆशस्य प्रसादतः ॥ ८ ॥
॥ इति श्री नारद पुराणॆ संकष्टनाशन गणॆशत्रॊत्रं संपूर्णम् ॥