|| સંકષ્ટ નાશન ગણેશ સ્તોત્રમ્ ||
પ્રણમ્ય શિરસા દેવં ગૌરીપુત્રં વિનાયકમ્ ||
ભક્તાવાસં સ્મરેન્નિત્યં આયુષ્કામાર્થસિદ્ધયે || ૧ ||
પ્રથમં વક્રતુંડં ચ એકદંતં દ્વિતીયકમ્ |
તૃતીયં કૃષ્ણપિંગાક્ષં ગજવક્ત્રં ચતુર્થકમ્ || ૨ ||
લંબોદરં પંચમં ચ ષષ્ટં વિકટમેવ ચ |
સપ્તમં વિઘ્નરાજં ચ ધૂમ્રવર્ણં તથાષ્ટમમ્ || ૩ ||
નવમં ભાલચંદ્રં ચ દશમં તુ વિનાયકમ્ |
એકાદશં ગણપતિં દ્વાદશં તુ ગજાનનમ્ || ૪ ||
દ્વાદશૈતાનિ નામાનિ ત્રિસંધ્યં યઃ પઠેન્નરઃ |
ન ચ વિઘ્નભયં તસ્ય સર્વસિદ્ધિકરઃ પ્રભુઃ || ૫ ||
વિદ્યાર્થી લભતે વિદ્યાં ધનાર્થી લભતે ધનં |
પુત્રાર્થી લભતે પુત્રાન્મોક્ષાર્થી લભતે ગતિમ્ || ૬ ||
જપેદ્ગણપતિસ્તોત્રં ષડ્ભિર્માસૈઃ ફલં લભેત્ |
સંવત્સરેણ સિદ્ધિં ચ લભતે નાત્ર સંશયઃ || ૭ ||
અષ્ટેભ્યો બ્રાહ્મણેભ્યશ્ચ લિખિત્વા યઃ સમર્પયેત્ |
તસ્ય વિદ્યા ભવેત્સર્વા ગણેશસ્ય પ્રસાદતઃ || ૮ ||
|| ઇતિ શ્રી નારદ પુરાણે સંકષ્ટનાશન ગણેશત્રોત્રં સંપૂર્ણમ્ ||