|| ঋণমোচন মংগল স্তোত্রম্ ||
******
মংগলো ভূমিপুত্রশ্চ ঋণহর্তা ধনপ্রদ: |
<স্থিরাসনো মহাকায়: সর্বকর্ম বিরোধক: || ১ ||
লোহিতো লোহিতাক্ষশ্চ সামগানাং কৃপাকর: |
ধরাত্মজ: কুজো ভৌমো ভূতিদো ভূমিনংদন: || ২ ||
অংগারকো য়মশ্চৈব সর্বরোগাপহারক: |
বৃষ্টে: কর্তাঽপহর্তা চ সর্বকার্য়ফলপ্রদ: || ৩ ||
এতানি কুজনামানি নিত্য়ং য়: শ্রদ্ধয়া পঠেত্ |
ঋণং ন জায়তে তস্য় ধনং শীঘ্রমবাপ্নুয়াত্ || ৪ ||
ধরণীগর্ভসংভূতং বিদ্য়ুত্কাংতিসমপ্রভম্ |
কুমারং শক্তিহস্তং তং মংগলং প্রণমাম্য়হম্ || ৫ ||
স্তোত্রমংগারকস্য় তত্পঠনীয়ং সদা নৃভি: |
ন তেষাং ভৌমজা পীডা স্বল্পাপি ভবতি ক্বচিত্ || ৬ ||
অংগারক মহাভাগ ভগবন্ ভক্তবত্সল |
ত্বাং নমামি মমাশেষমৃণমাশু বিনাশয় || ৭ ||
ঋণরোগাদি দারিদ্র্য়ং য়ে চান্য়ে হ্য়পমৃত্য়ব: |
ভয়ক্লেশ মনস্তাপা নশ্য়ংতু মম সর্বদা || ৮ ||
অতিবক্ত্র দুরারাধ্য় ভোগমুক্ত জিতাত্মন: |
তুষ্টো দদাসি সাম্রাজ্য়ং রুষ্টো হরসি তত্ ক্ষণাত্ || ৯ ||
বিরিংচিশক্রবিষ্ণূনাং মনুষ্য়াণাং তু কা কথা |
তেন ত্বং সর্বসত্ত্বেন গ্রহরাজো মহাবল: || ১০ ||
পুত্রান্ দেহি ধনং দেহি ত্বামস্মি শরণং গত: |
ঋণদারিদ্র্য় দু:খেন শত্রূণাং চ ভয়াত্তত: || ১১ ||
এভির্দ্বাদশভি: শ্লোকৈর্য়: স্তৌতি চ ধরাসুতম্ |
মহতীং শ্রীয়মাপ্নোতি হ্য়পরো ধনদো য়ুবা || ১২ ||
|| ইতি শ্রী স্কংদপুরাণে ভার্গবপ্রোক্তং ঋণমোচন মংগলস্তোত্রং সংপূর্ণম্ ||