ఋణమోచన మంగల స్తోత్రమ్
******
మంగలో భూమిపుత్రశ్చ ఋణహర్తా ధనప్రద: |
స్థిరాసనో మహాకాయ: సర్వకర్మ విరోధక: || 1 ||
లోహితో లోహితాక్షశ్చ సామగానాం కృపాకర: |
ధరాత్మజ: కుజో భౌమో భూతిదో భూమినందన: || 2 ||
అంగారకో యమశ్చైవ సర్వరోగాపహారక: |
వృష్టే: కర్తాఽపహర్తా చ సర్వకార్యఫలప్రద: || 3 ||
ఏతాని కుజనామాని నిత్యం య: శ్రద్ధయా పఠేత్ |
ఋణం న జాయతే తస్య ధనం శీఘ్రమవాప్నుయాత్ || 4 ||
ధరణీగర్భసంభూతం విద్యుత్కాంతిసమప్రభమ్ |
కుమారం శక్తిహస్తం తం మంగలం ప్రణమామ్యహమ్ || 5 ||
స్తోత్రమంగారకస్య తత్పఠనీయం సదా నృభి: |
న తేషాం భౌమజా పీడా స్వల్పాపి భవతి క్వచిత్ || 6 ||
అంగారక మహాభాగ భగవన్ భక్తవత్సల |
త్వాం నమామి మమాశేషమృణమాశు వినాశయ || 7 ||
ఋణరోగాది దారిద్ర్యం యే చాన్యే హ్యపమృత్యవ: |
భయక్లేశ మనస్తాపా నశ్యంతు మమ సర్వదా || 8 ||
అతివక్త్ర దురారాధ్య భోగముక్త జితాత్మన: |
తుష్టో దదాసి సామ్రాజ్యం రుష్టో హరసి తత్ క్షణాత్ || 9 ||
విరించిశక్రవిష్ణూనాం మనుష్యాణాం తు కా కథా |
తేన త్వం సర్వసత్త్వేన గ్రహరాజో మహాబల: || 10 ||
పుత్రాన్ దేహి ధనం దేహి త్వామస్మి శరణం గత: |
ఋణదారిద్ర్య దు:ఖేన శత్రూణాం చ భయాత్తత: || 11 ||
ఏభిర్ద్వాదశభి: శ్లోకైర్య: స్తౌతి చ ధరాసుతమ్ |
మహతీం శ్రీయమాప్నోతి హ్యపరో ధనదో యువా || 12 ||
ఇతి శ్రీ స్కందపురాణే భార్గవప్రోక్తం ఋణమోచన మంగలస్తోత్రం సంపూర్ణమ్