ઋણમોચન મંગલ સ્તોત્રમ્
******
મંગલો ભૂમિપુત્રશ્ચ ઋણહર્તા ધનપ્રદ: |
સ્થિરાસનો મહાકાય: સર્વકર્મ વિરોધક: || 1 ||
લોહિતો લોહિતાક્ષશ્ચ સામગાનાં કૃપાકર: |
ધરાત્મજ: કુજો ભૌમો ભૂતિદો ભૂમિનંદન: || 2 ||
અંગારકો યમશ્ચૈવ સર્વરોગાપહારક: |
વૃષ્ટે: કર્તાઽપહર્તા ચ સર્વકાર્યફલપ્રદ: || 3 ||
એતાનિ કુજનામાનિ નિત્યં ય: શ્રદ્ધયા પઠેત્ |
ઋણં ન જાયતે તસ્ય ધનં શીઘ્રમવાપ્નુયાત્ || 4 ||
ધરણીગર્ભસંભૂતં વિદ્યુત્કાંતિસમપ્રભમ્ |
કુમારં શક્તિહસ્તં તં મંગલં પ્રણમામ્યહમ્ || 5 ||
સ્તોત્રમંગારકસ્ય તત્પઠનીયં સદા નૃભિ: |
ન તેષાં ભૌમજા પીડા સ્વલ્પાપિ ભવતિ ક્વચિત્ || 6 ||
અંગારક મહાભાગ ભગવન્ ભક્તવત્સલ |
ત્વાં નમામિ મમાશેષમૃણમાશુ વિનાશય || 7 ||
ઋણરોગાદિ દારિદ્ર્યં યે ચાન્યે હ્યપમૃત્યવ: |
ભયક્લેશ મનસ્તાપા નશ્યંતુ મમ સર્વદા || 8 ||
અતિવક્ત્ર દુરારાધ્ય ભોગમુક્ત જિતાત્મન: |
તુષ્ટો દદાસિ સામ્રાજ્યં રુષ્ટો હરસિ તત્ ક્ષણાત્ || 9 ||
વિરિંચિશક્રવિષ્ણૂનાં મનુષ્યાણાં તુ કા કથા |
તેન ત્વં સર્વસત્ત્વેન ગ્રહરાજો મહાબલ: || 10 ||
પુત્રાન્ દેહિ ધનં દેહિ ત્વામસ્મિ શરણં ગત: |
ઋણદારિદ્ર્ય દુ:ખેન શત્રૂણાં ચ ભયાત્તત: || 11 ||
એભિર્દ્વાદશભિ: શ્લોકૈર્ય: સ્તૌતિ ચ ધરાસુતમ્ |
મહતીં શ્રીયમાપ્નોતિ હ્યપરો ધનદો યુવા || 12 ||
ઇતિ શ્રી સ્કંદપુરાણે ભાર્ગવપ્રોક્તં ઋણમોચન મંગલસ્તોત્રં સંપૂર્ણમ્