|| ଋଣମୋଚନ ମଂଗଲ ସ୍ତୋତ୍ରମ୍ ||
******
ମଂଗଲୋ ଭୂମିପୁତ୍ରଶ୍ଚ ଋଣହର୍ତା ଧନପ୍ରଦ: |
ସ୍ଥିରାସନୋ ମହାକାୟ: ସର୍ଵକର୍ମ ଵିରୋଧକ: || ୧ ||
ଲୋହିତୋ ଲୋହିତାକ୍ଷଶ୍ଚ ସାମଗାନାଂ କୃପାକର: |
ଧରାତ୍ମଜ: କୁଜୋ ଭୌମୋ ଭୂତିଦୋ ଭୂମିନଂଦନ: || ୨ ||
ଅଂଗାରକୋ ୟମଶ୍ଚୈଵ ସର୍ଵରୋଗାପହାରକ: |
ଵୃଷ୍ଟେ: କର୍ତାଽପହର୍ତା ଚ ସର୍ଵକାର୍ୟଫଲପ୍ରଦ: || ୩ ||
ଏତାନି କୁଜନାମାନି ନିତ୍ୟଂ ୟ: ଶ୍ରଦ୍ଧୟା ପଠେତ୍ |
ଋଣଂ ନ ଜାୟତେ ତସ୍ୟ ଧନଂ ଶୀଘ୍ରମଵାପ୍ନୁୟାତ୍ || ୪ ||
ଧରଣୀଗର୍ଭସଂଭୂତଂ ଵିଦ୍ୟୁତ୍କାଂତିସମପ୍ରଭମ୍ |
କୁମାରଂ ଶକ୍ତିହସ୍ତଂ ତଂ ମଂଗଲଂ ପ୍ରଣମାମ୍ୟହମ୍ || ୫ ||
ସ୍ତୋତ୍ରମଂଗାରକସ୍ୟ ତତ୍ପଠନୀୟଂ ସଦା ନୃଭି: |
ନ ତେଷାଂ ଭୌମଜା ପୀଡା ସ୍ଵଲ୍ପାପି ଭଵତି କ୍ଵଚିତ୍ || ୬ ||
ଅଂଗାରକ ମହାଭାଗ ଭଗଵନ୍ ଭକ୍ତଵତ୍ସଲ |
ତ୍ଵାଂ ନମାମି ମମାଶେଷମୃଣମାଶୁ ଵିନାଶୟ || ୭ ||
ଋଣରୋଗାଦି ଦାରିଦ୍ର୍ୟଂ ୟେ ଚାନ୍ୟେ ହ୍ୟପମୃତ୍ୟଵ: |
ଭୟକ୍ଲେଶ ମନସ୍ତାପା ନଶ୍ୟଂତୁ ମମ ସର୍ଵଦା || ୮ ||
ଅତିଵକ୍ତ୍ର ଦୁରାରାଧ୍ୟ ଭୋଗମୁକ୍ତ ଜିତାତ୍ମନ: |
ତୁଷ୍ଟୋ ଦଦାସି ସାମ୍ରାଜ୍ୟଂ ରୁଷ୍ଟୋ ହରସି ତତ୍ କ୍ଷଣାତ୍ || ୯ ||
ଵିରିଂଚିଶକ୍ରଵିଷ୍ଣୂନାଂ ମନୁଷ୍ୟାଣାଂ ତୁ କା କଥା |
ତେନ ତ୍ଵଂ ସର୍ଵସତ୍ତ୍ଵେନ ଗ୍ରହରାଜୋ ମହାବଲ: || ୧୦ ||
ପୁତ୍ରାନ୍ ଦେହି ଧନଂ ଦେହି ତ୍ଵାମସ୍ମି ଶରଣଂ ଗତ: |
ଋଣଦାରିଦ୍ର୍ୟ ଦୁ:ଖେନ ଶତ୍ରୂଣାଂ ଚ ଭୟାତ୍ତତ: || ୧୧ ||
ଏଭିର୍ଦ୍ଵାଦଶଭି: ଶ୍ଲୋକୈର୍ୟ: ସ୍ତୌତି ଚ ଧରାସୁତମ୍ |
ମହତୀଂ ଶ୍ରୀୟମାପ୍ନୋତି ହ୍ୟପରୋ ଧନଦୋ ୟୁଵା || ୧୨ ||
|| ଇତି ଶ୍ରୀ ସ୍କଂଦପୁରାଣେ ଭାର୍ଗଵପ୍ରୋକ୍ତଂ ଋଣମୋଚନ ମଂଗଲସ୍ତୋତ୍ରଂ ସଂପୂର୍ଣମ୍ ||