|| గణేశ కవచమ్ ||
******
గౌరీ ఉవాచ
ఏషోతి చపలో దైత్యాన్ బాల్యేపి నాశయత్యహో |
అగ్రే కిం కర్మ కర్తేతి న జానే మునిసత్తమ ||
దైత్యా నానావిధా దుష్టాః స్సాధు దేవద్రుమః ఖలాః |
అతోస్య కంఠే కించిత్త్వం రక్షాం సంబద్దుమర్హసి ||
మునిరువాచ
అథ ధ్యానమ్
ధ్యాయేత్ సింహగతం వినాయకమముం దిగ్బాహు మాద్యే యుగే
త్రేతాయాం తు మయూర వాహనమముం షడ్బాహుకం సిద్ధిదమ్ |
ద్వాపరేతు గజాననం యుగభుజం రక్తాంగరాగం విభుమ్ తుర్యే
తు ద్విభుజం సితాంగరుచిరం సర్వార్థదం సర్వదా ||
|| అథ కవచమ్ ||
వినాయక శ్శిఖాంపాతు పరమాత్మా పరాత్పరః |
అతిసుందర కాయస్తు మస్తకం సుమహోత్కటః || ౧ ||
లలాటం కశ్యపః పాతు భ్రూయుగం తు మహోదరః |
నయనే భాలచంద్రస్తు గజాస్యస్యోష్ఠ పల్లవౌ || ౨ ||
జిహ్వాం పాతు గణక్రీడశ్చుబుకం గిరిజాసుతః |
వాచం వినాయకః పాతు దంతాన్ రక్షతు దుర్ముఖః || ౩ ||
శ్రవణౌ పాశపాణిస్తు నాసికాం చింతితార్థదః |
గణేశస్తు ముఖం పాతు కంఠం పాతు గణాధిపః || ౪ ||
స్కంధౌ పాతు గజస్కంధః స్తనే విఘ్నవినాశనః |
హృదయం గణనాథస్తు హేరంబో జఠరం మహాన్ || ౫ ||
ధరాధరః పాతు పార్శ్వౌ పృష్ఠం విఘ్నహరశ్యుభః |
లింగం గుహ్యం సదా పాతు వక్రతుండో మహాబలః || ౬ ||
గణక్రీడో జాను జంఘే ఊరూ మంగళకీర్తిమాన్ |
ఏకదంతో మహాబుద్ధిః పాదౌ గుల్ఫౌ సదావతు || ౭ ||
క్షిప్ర ప్రసాదనో బాహు పాణీ ఆశాప్రపూరకః |
అంగులీశ్చ నఖాన్ పాతు పద్మహస్తో రినాశనః || ౮ ||
సర్వాంగాని మయూరేశో విశ్వవ్యాపీ సదావతు |
అనుక్తమపి యత్ స్థానం ధూమ్రకేతుః సదావతు || ౯ ||
ఆమోదస్త గ్రతః పాతు ప్రమోదః పృష్ఠతోవతు |
ప్రాచ్యాం రక్షతు బుద్ధీశ ఆగ్నేయాం సిద్ధిదాయకః || ౧౦ ||
దక్షిణస్యాముమాపుత్రో నైరుత్యాం తు గణేశ్వరః |
ప్రతిచ్యాం విఘ్నహర్తా వ్యాద్వాయవ్యాం గజకర్ణకః || ౧౧ ||
కౌబేర్యాం నిధిపః పాయాదీశాన్యా విషనందనః |
దివావ్యాదేకదంత స్తు రాత్రౌ సంధ్యాసు యఃవిఘ్నహృత్ || ౧౨ ||
రాక్షసాసుర బేతాళ గ్రహ భూత పిశాచతః |
పాశాంకుశధరః పాతు రజస్సత్వ తమస్మృతీః || ౧౩ ||
జ్ఞానం ధర్మం చ లక్ష్మీ చ లజ్జాం కీర్తిం తథా కులమ్ |
వపుర్ధనం చ ధాన్యం చ గృహం దారాస్సుతాన్సఖీన్ || ౧౪ ||
సర్వాయుధ ధరః పౌత్రాన్ మయూరేశో వతాత్ సదా |
కపిలో జానుకం పాతు గజాశ్వాన్ వికటోవతు || ౧౫ ||
భూర్జపత్రే లిఖిత్వేదం యః కంఠే ధారయేత్ సుధీః |
న భయం జాయతే తస్య యక్ష రక్షః పిశాచతః || ౧౬ ||
త్రిసంధ్యం జపతే యస్తు వజ్రసార తనుర్భవేత్ |
యాత్రాకాలే పఠేద్యస్తు నిర్విఘ్నేన ఫలం లభేత్ || ౧౭ ||
యుద్ధకాలే పఠేద్యస్తు విజయం చాప్నుయాద్భువమ్ |
మారణోచ్చాటనాకర్ష స్తంభ మోహన కర్మణి || ౧౮ ||
సప్తవారం జపేదేతద్దనానామేకవింశతిః |
తత్తత్ఫలమవాప్నోతి సాధకో నాత్ర సంశయః || ౧౯ ||
ఏకవింశతివారం చ పఠేత్తావద్దినాని యః |
కారాగృహగతం సద్యో రాజ్ఞావధ్యం చ మోచయేత్ || ౨౦ ||
రాజదర్శన వేళాయాం పఠేదేతత్ త్రివారతః |
స రాజానం వశం నీత్వా ప్రకృతీశ్చ సభాం జయేత్ || ౨౧ ||
ఇదం గణేశకవచం కశ్యపేన సవిరితమ్ |
ముద్గలాయ చ తే నాథ మాండవ్యాయ మహర్షయే || ౨౨ ||
మహ్యం స ప్రాహ కృపయా కవచం సర్వ సిద్ధిదమ్ |
న దేయం భక్తిహీనాయ దేయం శ్రద్ధావతే శుభమ్ || ౨౩ ||
అనేనాస్య కృతా రక్షా న బాధాస్య భవేత్ వ్యచిత్ |
రాక్షసాసుర బేతాళ దైత్య దానవ సంభవాః || ౨౪ ||
|| ఇతీ శ్రీ గణేశపురాణే శ్రీ గణేశ కవచం సంపూర్ణమ్ ||