|| ଗଣେଶ କଵଚମ୍ ||
******
ଗୌରୀ ଉଵାଚ
ଏଷୋତି ଚପଲୋ ଦୈତ୍ୟାନ୍ ବାଲ୍ୟେପି ନାଶୟତ୍ୟହୋ |
ଅଗ୍ରେ କିଂ କର୍ମ କର୍ତେତି ନ ଜାନେ ମୁନିସତ୍ତମ ||
ଦୈତ୍ୟା ନାନାଵିଧା ଦୁଷ୍ଟାଃ ସ୍ସାଧୁ ଦେଵଦ୍ରୁମଃ ଖଲାଃ |
ଅତୋସ୍ୟ କଂଠେ କିଂଚିତ୍ତ୍ଵଂ ରକ୍ଷାଂ ସଂବଦ୍ଦୁମର୍ହସି ||
ମୁନିରୁଵାଚ
ଅଥ ଧ୍ୟାନମ୍
ଧ୍ୟାୟେତ୍ ସିଂହଗତଂ ଵିନାୟକମମୁଂ ଦିଗ୍ବାହୁ ମାଦ୍ୟେ
ୟୁଗେ ତ୍ରେତାୟାଂ ତୁ ମୟୂର ଵାହନମମୁଂ ଷଡ୍ବାହୁକଂ ସିଦ୍ଧିଦମ୍ |
ଦ୍ଵାପରେତୁ ଗଜାନନଂ ୟୁଗଭୁଜଂ ରକ୍ତାଂଗରାଗଂ ଵିଭୁମ୍ ତୁର୍ୟେ
ତୁ ଦ୍ଵିଭୁଜଂ ସିତାଂଗରୁଚିରଂ ସର୍ଵାର୍ଥଦଂ ସର୍ଵଦା ||
|| ଅଥ କଵଚମ୍ ||
ଵିନାୟକ ଶ୍ଶିଖାଂପାତୁ ପରମାତ୍ମା ପରାତ୍ପରଃ |
ଅତିସୁଂଦର କାୟସ୍ତୁ ମସ୍ତକଂ ସୁମହୋତ୍କଟଃ || ୧ ||
ଲଲାଟଂ କଶ୍ୟପଃ ପାତୁ ଭ୍ରୂୟୁଗଂ ତୁ ମହୋଦରଃ |
ନୟନେ ଭାଲଚଂଦ୍ରସ୍ତୁ ଗଜାସ୍ୟସ୍ୟୋଷ୍ଠ ପଲ୍ଲଵୌ || ୨ ||
ଜିହ୍ଵାଂ ପାତୁ ଗଣକ୍ରୀଡଶ୍ଚୁବୁକଂ ଗିରିଜାସୁତଃ |
ଵାଚଂ ଵିନାୟକଃ ପାତୁ ଦଂତାନ୍ ରକ୍ଷତୁ ଦୁର୍ମୁଖଃ || ୩ ||
ଶ୍ରଵଣୌ ପାଶପାଣିସ୍ତୁ ନାସିକାଂ ଚିଂତିତାର୍ଥଦଃ |
ଗଣେଶସ୍ତୁ ମୁଖଂ ପାତୁ କଂଠଂ ପାତୁ ଗଣାଧିପଃ || ୪ ||
ସ୍କଂଧୌ ପାତୁ ଗଜସ୍କଂଧଃ ସ୍ତନେ ଵିଘ୍ନଵିନାଶନଃ |
ହୃଦୟଂ ଗଣନାଥସ୍ତୁ ହେରଂବୋ ଜଠରଂ ମହାନ୍ || ୫ ||
ଧରାଧରଃ ପାତୁ ପାର୍ଶ୍ଵୌ ପୃଷ୍ଠଂ ଵିଘ୍ନହରଶ୍ୟୁଭଃ |
ଲିଂଗଂ ଗୁହ୍ୟଂ ସଦା ପାତୁ ଵକ୍ରତୁଂଡୋ ମହାବଲଃ || ୬ ||
ଗଣକ୍ରୀଡୋ ଜାନୁ ଜଂଘେ ଊରୂ ମଂଗଳକୀର୍ତିମାନ୍ |
ଏକଦଂତୋ ମହାବୁଦ୍ଧିଃ ପାଦୌ ଗୁଲ୍ଫୌ ସଦାଵତୁ || ୭ ||
କ୍ଷିପ୍ର ପ୍ରସାଦନୋ ବାହୁ ପାଣୀ ଆଶାପ୍ରପୂରକଃ |
ଅଂଗୁଲୀଶ୍ଚ ନଖାନ୍ ପାତୁ ପଦ୍ମହସ୍ତୋ ରିନାଶନଃ || ୮ ||
ସର୍ଵାଂଗାନି ମୟୂରେଶୋ ଵିଶ୍ଵଵ୍ୟାପୀ ସଦାଵତୁ |
ଅନୁକ୍ତମପି ୟତ୍ ସ୍ଥାନଂ ଧୂମ୍ରକେତୁଃ ସଦାଵତୁ || ୯ ||
ଆମୋଦସ୍ତ ଗ୍ରତଃ ପାତୁ ପ୍ରମୋଦଃ ପୃଷ୍ଠତୋଵତୁ |
ପ୍ରାଚ୍ୟାଂ ରକ୍ଷତୁ ବୁଦ୍ଧୀଶ ଆଗ୍ନେୟାଂ ସିଦ୍ଧିଦାୟକଃ || ୧୦ ||
ଦକ୍ଷିଣସ୍ୟାମୁମାପୁତ୍ରୋ ନୈରୁତ୍ୟାଂ ତୁ ଗଣେଶ୍ଵରଃ |
ପ୍ରତିଚ୍ୟାଂ ଵିଘ୍ନହର୍ତା ଵ୍ୟାଦ୍ଵାୟଵ୍ୟାଂ ଗଜକର୍ଣକଃ || ୧୧ ||
କୌବେର୍ୟାଂ ନିଧିପଃ ପାୟାଦୀଶାନ୍ୟା ଵିଷନଂଦନଃ |
ଦିଵାଵ୍ୟାଦେକଦଂତ ସ୍ତୁ ରାତ୍ରୌ ସଂଧ୍ୟାସୁ ୟଃଵିଘ୍ନହୃତ୍ || ୧୨ ||
ରାକ୍ଷସାସୁର ବେତାଳ ଗ୍ରହ ଭୂତ ପିଶାଚତଃ |
ପାଶାଂକୁଶଧରଃ ପାତୁ ରଜସ୍ସତ୍ଵ ତମସ୍ମୃତୀଃ || ୧୩ ||
ଜ୍ଞାନଂ ଧର୍ମଂ ଚ ଲକ୍ଷ୍ମୀ ଚ ଲଜ୍ଜାଂ କୀର୍ତିଂ ତଥା କୁଲମ୍ |
ଵପୁର୍ଧନଂ ଚ ଧାନ୍ୟଂ ଚ ଗୃହଂ ଦାରାସ୍ସୁତାନ୍ସଖୀନ୍ || ୧୪ ||
ସର୍ଵାୟୁଧ ଧରଃ ପୌତ୍ରାନ୍ ମୟୂରେଶୋ ଵତାତ୍ ସଦା |
କପିଲୋ ଜାନୁକଂ ପାତୁ ଗଜାଶ୍ଵାନ୍ ଵିକଟୋଵତୁ || ୧୫ ||
ଭୂର୍ଜପତ୍ରେ ଲିଖିତ୍ଵେଦଂ ୟଃ କଂଠେ ଧାରୟେତ୍ ସୁଧୀଃ |
ନ ଭୟଂ ଜାୟତେ ତସ୍ୟ ୟକ୍ଷ ରକ୍ଷଃ ପିଶାଚତଃ || ୧୬ ||
ତ୍ରିସଂଧ୍ୟଂ ଜପତେ ୟସ୍ତୁ ଵଜ୍ରସାର ତନୁର୍ଭଵେତ୍ |
ୟାତ୍ରାକାଲେ ପଠେଦ୍ୟସ୍ତୁ ନିର୍ଵିଘ୍ନେନ ଫଲଂ ଲଭେତ୍ || ୧୭ ||
ୟୁଦ୍ଧକାଲେ ପଠେଦ୍ୟସ୍ତୁ ଵିଜୟଂ ଚାପ୍ନୁୟାଦ୍ଭୁଵମ୍ |
ମାରଣୋଚ୍ଚାଟନାକର୍ଷ ସ୍ତଂଭ ମୋହନ କର୍ମଣି || ୧୮ ||
ସପ୍ତଵାରଂ ଜପେଦେତଦ୍ଦନାନାମେକଵିଂଶତିଃ |
ତତ୍ତତ୍ଫଲମଵାପ୍ନୋତି ସାଧକୋ ନାତ୍ର ସଂଶୟଃ || ୧୯ ||
ଏକଵିଂଶତିଵାରଂ ଚ ପଠେତ୍ତାଵଦ୍ଦିନାନି ୟଃ |
କାରାଗୃହଗତଂ ସଦ୍ୟୋ ରାଜ୍ଞାଵଧ୍ୟଂ ଚ ମୋଚୟେତ୍ || ୨୦ ||
ରାଜଦର୍ଶନ ଵେଳାୟାଂ ପଠେଦେତତ୍ ତ୍ରିଵାରତଃ |
ସ ରାଜାନଂ ଵଶଂ ନୀତ୍ଵା ପ୍ରକୃତୀଶ୍ଚ ସଭାଂ ଜୟେତ୍ || ୨୧ ||
ଇଦଂ ଗଣେଶକଵଚଂ କଶ୍ୟପେନ ସଵିରିତମ୍ |
ମୁଦ୍ଗଲାୟ ଚ ତେ ନାଥ ମାଂଡଵ୍ୟାୟ ମହର୍ଷୟେ || ୨୨ ||
ମହ୍ୟଂ ସ ପ୍ରାହ କୃପୟା କଵଚଂ ସର୍ଵ ସିଦ୍ଧିଦମ୍ |
ନ ଦେୟଂ ଭକ୍ତିହୀନାୟ ଦେୟଂ ଶ୍ରଦ୍ଧାଵତେ ଶୁଭମ୍ || ୨୩ ||
ଅନେନାସ୍ୟ କୃତା ରକ୍ଷା ନ ବାଧାସ୍ୟ ଭଵେତ୍ ଵ୍ୟଚିତ୍ |
ରାକ୍ଷସାସୁର ବେତାଳ ଦୈତ୍ୟ ଦାନଵ ସଂଭଵାଃ || ୨୪ ||
|| ଇତୀ ଶ୍ରୀ ଗଣେଶପୁରାଣେ ଶ୍ରୀ ଗଣେଶ କଵଚଂ ସଂପୂର୍ଣମ୍ ||