|| ગણેશ કવચમ્ ||
******
ગૌરી ઉવાચ
એષોતિ ચપલો દૈત્યાન્ બાલ્યેપિ નાશયત્યહો |
અગ્રે કિં કર્મ કર્તેતિ ન જાને મુનિસત્તમ ||
દૈત્યા નાનાવિધા દુષ્ટાઃ સ્સાધુ દેવદ્રુમઃ ખલાઃ |
અતોસ્ય કંઠે કિંચિત્ત્વં રક્ષાં સંબદ્દુમર્હસિ ||
મુનિરુવાચ
અથ ધ્યાનમ્
ધ્યાયેત્ સિંહગતં વિનાયકમમું દિગ્બાહુ માદ્યે યુગે
ત્રેતાયાં તુ મયૂર વાહનમમું ષડ્બાહુકં સિદ્ધિદમ્ |
દ્વાપરેતુ ગજાનનં યુગભુજં રક્તાંગરાગં વિભુમ્ તુર્યે
તુ દ્વિભુજં સિતાંગરુચિરં સર્વાર્થદં સર્વદા ||
અથ કવચમ્
વિનાયક શ્શિખાંપાતુ પરમાત્મા પરાત્પરઃ |
અતિસુંદર કાયસ્તુ મસ્તકં સુમહોત્કટઃ || ૧ ||
લલાટં કશ્યપઃ પાતુ ભ્રૂયુગં તુ મહોદરઃ |
નયને ભાલચંદ્રસ્તુ ગજાસ્યસ્યોષ્ઠ પલ્લવૌ || ૨ ||
જિહ્વાં પાતુ ગણક્રીડશ્ચુબુકં ગિરિજાસુતઃ |
વાચં વિનાયકઃ પાતુ દંતાન્ રક્ષતુ દુર્મુખઃ || ૩ ||
શ્રવણૌ પાશપાણિસ્તુ નાસિકાં ચિંતિતાર્થદઃ |
ગણેશસ્તુ મુખં પાતુ કંઠં પાતુ ગણાધિપઃ || ૪ ||
સ્કંધૌ પાતુ ગજસ્કંધઃ સ્તને વિઘ્નવિનાશનઃ |
હૃદયં ગણનાથસ્તુ હેરંબો જઠરં મહાન્ || ૫ ||
ધરાધરઃ પાતુ પાર્શ્વૌ પૃષ્ઠં વિઘ્નહરશ્યુભઃ |
લિંગં ગુહ્યં સદા પાતુ વક્રતુંડો મહાબલઃ || ૬ ||
ગણક્રીડો જાનુ જંઘે ઊરૂ મંગળકીર્તિમાન્ |
એકદંતો મહાબુદ્ધિઃ પાદૌ ગુલ્ફૌ સદાવતુ || ૭ ||
ક્ષિપ્ર પ્રસાદનો બાહુ પાણી આશાપ્રપૂરકઃ |
અંગુલીશ્ચ નખાન્ પાતુ પદ્મહસ્તો રિનાશનઃ || ૮ ||
સર્વાંગાનિ મયૂરેશો વિશ્વવ્યાપી સદાવતુ |
અનુક્તમપિ યત્ સ્થાનં ધૂમ્રકેતુઃ સદાવતુ || ૯ ||
આમોદસ્ત ગ્રતઃ પાતુ પ્રમોદઃ પૃષ્ઠતોવતુ |
પ્રાચ્યાં રક્ષતુ બુદ્ધીશ આગ્નેયાં સિદ્ધિદાયકઃ || ૧૦ ||
દક્ષિણસ્યામુમાપુત્રો નૈરુત્યાં તુ ગણેશ્વરઃ |
પ્રતિચ્યાં વિઘ્નહર્તા વ્યાદ્વાયવ્યાં ગજકર્ણકઃ || ૧૧ ||
કૌબેર્યાં નિધિપઃ પાયાદીશાન્યા વિષનંદનઃ |
દિવાવ્યાદેકદંત સ્તુ રાત્રૌ સંધ્યાસુ યઃવિઘ્નહૃત્ || ૧૨ ||
રાક્ષસાસુર બેતાળ ગ્રહ ભૂત પિશાચતઃ |
પાશાંકુશધરઃ પાતુ રજસ્સત્વ તમસ્મૃતીઃ || ૧૩ ||
જ્ઞાનં ધર્મં ચ લક્ષ્મી ચ લજ્જાં કીર્તિં તથા કુલમ્ |
વપુર્ધનં ચ ધાન્યં ચ ગૃહં દારાસ્સુતાન્સખીન્ || ૧૪ ||
સર્વાયુધ ધરઃ પૌત્રાન્ મયૂરેશો વતાત્ સદા |
કપિલો જાનુકં પાતુ ગજાશ્વાન્ વિકટોવતુ || ૧૫ ||
ભૂર્જપત્રે લિખિત્વેદં યઃ કંઠે ધારયેત્ સુધીઃ |
ન ભયં જાયતે તસ્ય યક્ષ રક્ષઃ પિશાચતઃ || ૧૬ ||
ત્રિસંધ્યં જપતે યસ્તુ વજ્રસાર તનુર્ભવેત્ |
યાત્રાકાલે પઠેદ્યસ્તુ નિર્વિઘ્નેન ફલં લભેત્ || ૧૭ ||
યુદ્ધકાલે પઠેદ્યસ્તુ વિજયં ચાપ્નુયાદ્ભુવમ્ |
મારણોચ્ચાટનાકર્ષ સ્તંભ મોહન કર્મણિ || ૧૮ ||
સપ્તવારં જપેદેતદ્દનાનામેકવિંશતિઃ |
તત્તત્ફલમવાપ્નોતિ સાધકો નાત્ર સંશયઃ || ૧૯ ||
એકવિંશતિવારં ચ પઠેત્તાવદ્દિનાનિ યઃ |
કારાગૃહગતં સદ્યો રાજ્ઞાવધ્યં ચ મોચયેત્ || ૨૦ ||
રાજદર્શન વેળાયાં પઠેદેતત્ ત્રિવારતઃ |
સ રાજાનં વશં નીત્વા પ્રકૃતીશ્ચ સભાં જયેત્ || ૨૧ ||
ઇદં ગણેશકવચં કશ્યપેન સવિરિતમ્ |
મુદ્ગલાય ચ તે નાથ માંડવ્યાય મહર્ષયે || ૨૨ ||
મહ્યં સ પ્રાહ કૃપયા કવચં સર્વ સિદ્ધિદમ્ |
ન દેયં ભક્તિહીનાય દેયં શ્રદ્ધાવતે શુભમ્ || ૨૩ ||
અનેનાસ્ય કૃતા રક્ષા ન બાધાસ્ય ભવેત્ વ્યચિત્ |
રાક્ષસાસુર બેતાળ દૈત્ય દાનવ સંભવાઃ || ૨૪ ||
|| ઇતી શ્રી ગણેશપુરાણે શ્રી ગણેશ કવચં સંપૂર્ણમ્ ||