|| গণেশ কবচম্ ||
******
গৌরী উবাচ
এষোতি চপলো দৈত্য়ান্ বাল্য়েপি নাশয়ত্য়হো |
অগ্রে কিং কর্ম কর্তেতি ন জানে মুনিসত্তম ||
দৈত্য়া নানাবিধা দুষ্টাঃ স্সাধু দেবদ্রুমঃ খলাঃ |
অতোস্য় কংঠে কিংচিত্ত্বং রক্ষাং সংবদ্দুমর্হসি ||
মুনিরুবাচ
অথ ধ্য়ানম্
ধ্য়ায়েত্ সিংহগতং বিনায়কমমুং দিগ্বাহু মাদ্য়ে য়ুগে
ত্রেতায়াং তু ময়ূর বাহনমমুং ষড্বাহুকং সিদ্ধিদম্ |
দ্বাপরেতু গজাননং য়ুগভুজং রক্তাংগরাগং বিভুম্ তুর্য়ে
তু দ্বিভুজং সিতাংগরুচিরং সর্বার্থদং সর্বদা ||
|| অথ কবচম্ ||
বিনায়ক শ্শিখাংপাতু পরমাত্মা পরাত্পরঃ |
অতিসুংদর কায়স্তু মস্তকং সুমহোত্কটঃ || ১ ||
ললাটং কশ্য়পঃ পাতু ভ্রূয়ুগং তু মহোদরঃ |
নয়নে ভালচংদ্রস্তু গজাস্য়স্য়োষ্ঠ পল্লবৌ || ২ ||
জিহ্বাং পাতু গণক্রীডশ্চুবুকং গিরিজাসুতঃ |
বাচং বিনায়কঃ পাতু দংতান্ রক্ষতু দুর্মুখঃ || ৩ ||
শ্রবণৌ পাশপাণিস্তু নাসিকাং চিংতিতার্থদঃ |
গণেশস্তু মুখং পাতু কংঠং পাতু গণাধিপঃ || ৪ ||
স্কংধৌ পাতু গজস্কংধঃ স্তনে বিঘ্নবিনাশনঃ |
হৃদয়ং গণনাথস্তু হেরংবো জঠরং মহান্ || ৫ ||
ধরাধরঃ পাতু পার্শ্বৌ পৃষ্ঠং বিঘ্নহরশ্য়ুভঃ |
লিংগং গুহ্য়ং সদা পাতু বক্রতুংডো মহাবলঃ || ৬ ||
গণক্রীডো জানু জংঘে ঊরূ মংগলকীর্তিমান্ |
একদংতো মহাবুদ্ধিঃ পাদৌ গুল্ফৌ সদাবতু || ৭ ||
ক্ষিপ্র প্রসাদনো বাহু পাণী আশাপ্রপূরকঃ |
অংগুলীশ্চ নখান্ পাতু পদ্মহস্তো রিনাশনঃ || ৮ ||
সর্বাংগানি ময়ূরেশো বিশ্বব্য়াপী সদাবতু |
অনুক্তমপি য়ত্ স্থানং ধূম্রকেতুঃ সদাবতু || ৯ ||
আমোদস্ত গ্রতঃ পাতু প্রমোদঃ পৃষ্ঠতোবতু |
প্রাচ্য়াং রক্ষতু বুদ্ধীশ আগ্নেয়াং সিদ্ধিদায়কঃ || ১০ ||
দক্ষিণস্য়ামুমাপুত্রো নৈরুত্য়াং তু গণেশ্বরঃ |
প্রতিচ্য়াং বিঘ্নহর্তা ব্য়াদ্বায়ব্য়াং গজকর্ণকঃ || ১১ ||
কৌবের্য়াং নিধিপঃ পায়াদীশান্য়া বিষনংদনঃ |
দিবাব্য়াদেকদংত স্তু রাত্রৌ সংধ্য়াসু য়ঃবিঘ্নহৃত্ || ১২ ||
রাক্ষসাসুর বেতাল গ্রহ ভূত পিশাচতঃ |
পাশাংকুশধরঃ পাতু রজস্সত্ব তমস্মৃতীঃ || ১৩ ||
জ্ঞানং ধর্মং চ লক্ষ্মী চ লজ্জাং কীর্তিং তথা কুলম্ |
বপুর্ধনং চ ধান্য়ং চ গৃহং দারাস্সুতান্সখীন্ || ১৪ ||
সর্বায়ুধ ধরঃ পৌত্রান্ ময়ূরেশো বতাত্ সদা |
কপিলো জানুকং পাতু গজাশ্বান্ বিকটোবতু || ১৫ ||
ভূর্জপত্রে লিখিত্বেদং য়ঃ কংঠে ধারয়েত্ সুধীঃ |
ন ভয়ং জায়তে তস্য় য়ক্ষ রক্ষঃ পিশাচতঃ || ১৬ ||
ত্রিসংধ্য়ং জপতে য়স্তু বজ্রসার তনুর্ভবেত্ |
য়াত্রাকালে পঠেদ্য়স্তু নির্বিঘ্নেন ফলং লভেত্ || ১৭ ||
য়ুদ্ধকালে পঠেদ্য়স্তু বিজয়ং চাপ্নুয়াদ্ভুবম্ |
মারণোচ্চাটনাকর্ষ স্তংভ মোহন কর্মণি || ১৮ ||
সপ্তবারং জপেদেতদ্দনানামেকবিংশতিঃ |
তত্তত্ফলমবাপ্নোতি সাধকো নাত্র সংশয়ঃ || ১৯ ||
একবিংশতিবারং চ পঠেত্তাবদ্দিনানি য়ঃ |
কারাগৃহগতং সদ্য়ো রাজ্ঞাবধ্য়ং চ মোচয়েত্ || ২০ ||
রাজদর্শন বেলায়াং পঠেদেতত্ ত্রিবারতঃ |
স রাজানং বশং নীত্বা প্রকৃতীশ্চ সভাং জয়েত্ || ২১ ||
ইদং গণেশকবচং কশ্য়পেন সবিরিতম্ |
মুদ্গলায় চ তে নাথ মাংডব্য়ায় মহর্ষয়ে || ২২ ||
মহ্য়ং স প্রাহ কৃপয়া কবচং সর্ব সিদ্ধিদম্ |
ন দেয়ং ভক্তিহীনায় দেয়ং শ্রদ্ধাবতে শুভম্ || ২৩ ||
অনেনাস্য় কৃতা রক্ষা ন বাধাস্য় ভবেত্ ব্য়চিত্ |
রাক্ষসাসুর বেতাল দৈত্য় দানব সংভবাঃ || ২৪ ||
|| ইতী শ্রী গণেশপুরাণে শ্রী গণেশ কবচং সংপূর্ণম্ ||