|| વિશ્વનાથાષ્ટકમ્ ||
******
ગંગાતરંગ રમણીયજટાકલાપમ્ ગૌરી નિરન્તર વિભૂષિતવામભાગમ્
નારાયણ પ્રિયમનન્ગ મદાપહારમ્ વારાણસિ પુરપતિં ભજ વિશ્વનાથમ્ || ૧ ||
વાચામગોચર મનેક ગુણસ્વરૂપમ્ વાગીશ વિષ્ણુસુરસેવિત પાદપીઠમ્
વામેન વિગ્રહવરેણ કળત્રવંતં વારાણસિ પુરપતિં ભજ વિશ્વનાથમ્ || ૨ ||
ભૂતાધિપં ભુજગ ભૂષણ ભૂષિતાંગમ્ વ્યાઘ્રાજિનાંબર ધરં જટિલં ત્રિનેત્રમ્
પાશાંકુશાભય વરપ્રદ શૂલપાણિમ્ વારાણસિ પુરપતિં ભજ વિશ્વનાથમ્ || ૩ ||
શીતાંશુ શોભિત કિરીટવિરાજ માનમ્ પાલેક્ષણાનલ વિશોષિત પંચબાણમ્
નાગાધિપારચિત ભાસુર કર્ણપૂરમ્ વારાણસિ પુરપતિં ભજ વિશ્વનાથમ્ || ૪ ||
પંચાનનં દુરિતમત્ત માતંગજાનમ્ નાગાંતકં દનુજપુંગવ પન્નગાનામ્
દાવાનલં મરણશોકજરાટવીનામ્ વારાણસિ પુરપતિં ભજ વિશ્વનાથમ્ || ૫ ||
તેજોમયં સુગુણ નિર્ગુણ મદ્વિતીયમ્ માનંદકંદ મપરાજિત મપ્રમેયમ્
નાદાત્મકં સકળ્નિષ્કળ માતૃરૂપં વારાણસિ પુરપતિં ભજ વિશ્વનાથમ્ || ૬ ||
આશાં વિહાય પરિહૃત્ય પરસ્ય નિંદા પાપે રતિં ચ સુનિવાર્ય મનસ્સમાધૌ
આદાય હૃત્કમલ મધ્યગતં પરેશમ્ વારાણસિ પુરપતિં ભજ વિશ્વનાથમ્ || ૭ ||
રાગાદિ દોષરહિતં સ્વજનાનુરાગ વૈરાગ્ય શાંતિનિલયં ગિરિજા સહાયકં
માધુર્ય ધૈર્યસુભગં ગરળાભિ રામમ્ વારાણસિ પુરપતિં ભજ વિશ્વનાથમ્ || ૮ ||
વારાણસીપુરપતે: સ્તવનં શિવસ્ય વ્યાસોક્ત મષ્ટકમિદં પઠતે મનુષ્ય:
વિદ્યાં શ્રીયં વિપુલ સૌખ્ય મનંતકીર્તિં સંપ્રાપ્ય દેહવિલયે લભતે ચ મોક્ષમ્
વિશ્વનાથાષ્ટકમિદં ય: પઠેચ્છિવસન્નિધૌ શિવલોક મવાપ્નોતિ શિવેનસહમોદતે
||ઇતી શ્રીમદ્વેદવ્યાસવિરચિત વિશ્વનાથાષ્ટકં સંપૂર્ણમ્ ||