|| ವಿಶ್ವನಾಥಾಷ್ಟಕಂ ||
ಗಂಗಾತರಂಗ ರಮಣೀಯಜಟಾಕಲಾಪಂ ಗೌರೀ ನಿರಂತರ ವಿಭೂಷಿತವಾಮಭಾಗಂ
ನಾರಾಯಣ ಪ್ರಿಯಮನಂಗ ಮದಾಪಹಾರಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೧ ||
ವಾಚಾಮಗೋಚರ ಮನೇಕ ಗುಣಸ್ವರೂಪಂ ವಾಗೀಶ ವಿಷ್ಣುಸುರಸೇವಿತ ಪಾದಪೀಠಂ
ವಾಮೇನ ವಿಗ್ರಹವರೇಣ ಕಳತ್ರವಂತಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೨ ||
ಭೂತಾಧಿಪಂ ಭುಜಗ ಭೂಷಣ ಭೂಷಿತಾಂಗಂ ವ್ಯಾಘ್ರಾಜಿನಾಂಬರ ಧರಂ ಜಟಿಲಂ ತ್ರಿನೇತ್ರಂ
ಪಾಶಾಂಕುಶಾಭಯ ವರಪ್ರದ ಶೂಲಪಾಣಿಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೩ ||
ಶೀತಾಂಶು ಶೋಭಿತ ಕಿರೀಟವಿರಾಜ ಮಾನಂ ಪಾಲೇಕ್ಷಣಾನಲ ವಿಶೋಷಿತ ಪಂಚಬಾಣಂ
ನಾಗಾಧಿಪಾರಚಿತ ಭಾಸುರ ಕರ್ಣಪೂರಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೪ ||
ಪಂಚಾನನಂ ದುರಿತಮತ್ತ ಮಾತಂಗಜಾನಂ ನಾಗಾಂತಕಂ ದನುಜಪುಂಗವ ಪನ್ನಗಾನಾಂ
ದಾವಾನಲಂ ಮರಣಶೋಕಜರಾಟವೀನಾಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೫ ||
ತೇಜೋಮಯಂ ಸುಗುಣ ನಿರ್ಗುಣ ಮದ್ವಿತೀಯಂ ಮಾನಂದಕಂದ ಮಪರಾಜಿತ ಮಪ್ರಮೇಯಂ
ನಾದಾತ್ಮಕಂ ಸಕಳ್ನಿಷ್ಕಳ ಮಾತೃರೂಪಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೬ ||
ಆಶಾಂ ವಿಹಾಯ ಪರಿಹೃತ್ಯ ಪರಸ್ಯ ನಿಂದಾ ಪಾಪೇ ರತಿಂ ಚ ಸುನಿವಾರ್ಯ ಮನಸ್ಸಮಾಧೌ
ಆದಾಯ ಹೃತ್ಕಮಲ ಮಧ್ಯಗತಂ ಪರೇಶಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೭ ||
ರಾಗಾದಿ ದೋಷರಹಿತಂ ಸ್ವಜನಾನುರಾಗ ವೈರಾಗ್ಯ ಶಾಂತಿನಿಲಯಂ ಗಿರಿಜಾ ಸಹಾಯಕಂ
ಮಾಧುರ್ಯ ಧೈರ್ಯಸುಭಗಂ ಗರಳಾಭಿ ರಾಮಂ ವಾರಾಣಸಿ ಪುರಪತಿಂ ಭಜ ವಿಶ್ವನಾಥಂ || ೮ ||
ವಾರಾಣಸೀಪುರಪತೇ: ಸ್ತವನಂ ಶಿವಸ್ಯ ವ್ಯಾಸೋಕ್ತ ಮಷ್ಟಕಮಿದಂ ಪಠತೇ ಮನುಷ್ಯ: ವಿದ್ಯಾಂ
ಶ್ರೀಯಂ ವಿಪುಲ ಸೌಖ್ಯ ಮನಂತಕೀರ್ತಿಂ ಸಂಪ್ರಾಪ್ಯ ದೇಹವಿಲಯೇ ಲಭತೇ ಚ ಮೋಕ್ಷಂ
ವಿಶ್ವನಾಥಾಷ್ಟಕಮಿದಂ ಯ: ಪಠೇಚ್ಛಿವಸನ್ನಿಧೌ ಶಿವಲೋಕ ಮವಾಪ್ನೋತಿ ಶಿವೇನಸಹಮೋದತೇ ||
||ಇತೀ ಶ್ರೀಮದ್ವೇದವ್ಯಾಸವಿರಚಿತ ವಿಶ್ವನಾಥಾಷ್ಟಕಂ ಸಂಪೂರ್ಣಂ ||