|| বিশ্বনাথাষ্টকম্ ||
******
গংগাতরংগ রমণীয়জটাকলাপম্ গৌরী নিরন্তর বিভূষিতবামভাগম্
নারায়ণ প্রিয়মনন্গ মদাপহারম্ বারাণসি পুরপতিং ভজ বিশ্বনাথম্ || ১ ||
বাচামগোচর মনেক গুণস্বরূপম্ বাগীশ বিষ্ণুসুরসেবিত পাদপীঠম্
বামেন বিগ্রহবরেণ কলত্রবংতং বারাণসি পুরপতিং ভজ বিশ্বনাথম্ || ২ ||
ভূতাধিপং ভুজগ ভূষণ ভূষিতাংগম্ ব্য়াঘ্রাজিনাংবর ধরং জটিলং ত্রিনেত্রম্
পাশাংকুশাভয় বরপ্রদ শূলপাণিম্ বারাণসি পুরপতিং ভজ বিশ্বনাথম্ || ৩ ||
শীতাংশু শোভিত কিরীটবিরাজ মানম্ পালেক্ষণানল বিশোষিত পংচবাণম্
নাগাধিপারচিত ভাসুর কর্ণপূরম্ বারাণসি পুরপতিং ভজ বিশ্বনাথম্ || ৪ ||
পংচাননং দুরিতমত্ত মাতংগজানম্ নাগাংতকং দনুজপুংগব পন্নগানাম্
দাবানলং মরণশোকজরাটবীনাম্ বারাণসি পুরপতিং ভজ বিশ্বনাথম্ || ৫ ||
তেজোময়ং সুগুণ নির্গুণ মদ্বিতীয়ম্ মানংদকংদ মপরাজিত মপ্রমেয়ম্
নাদাত্মকং সকল্নিষ্কল মাতৃরূপং বারাণসি পুরপতিং ভজ বিশ্বনাথম্ || ৬ ||
আশাং বিহায় পরিহৃত্য় পরস্য় নিংদা পাপে রতিং চ সুনিবার্য় মনস্সমাধৌ
আদায় হৃত্কমল মধ্য়গতং পরেশম্ বারাণসি পুরপতিং ভজ বিশ্বনাথম্ || ৭ ||
রাগাদি দোষরহিতং স্বজনানুরাগ বৈরাগ্য় শাংতিনিলয়ং গিরিজা সহায়কং
মাধুর্য় ধৈর্য়সুভগং গরলাভি রামম্ বারাণসি পুরপতিং ভজ বিশ্বনাথম্ || ৮ ||
বারাণসীপুরপতে: স্তবনং শিবস্য় ব্য়াসোক্ত মষ্টকমিদং পঠতে মনুষ্য়:
বিদ্য়াং শ্রীয়ং বিপুল সৌখ্য় মনংতকীর্তিং সংপ্রাপ্য় দেহবিলয়ে লভতে চ মোক্ষম্
বিশ্বনাথাষ্টকমিদং য়: পঠেচ্ছিবসন্নিধৌ শিবলোক মবাপ্নোতি শিবেনসহমোদতে
||ইতী শ্রীমদ্বেদব্য়াসবিরচিত বিশ্বনাথাষ্টকং সংপূর্ণম্ ||